תקציר
שלמה גלר שִׁמְעוּ שָׁמַיִם הַאֲזִינִי אָרֶץ אֵיכָה שַׁבַּתִּי הָפְכָה לְעָרֶץ שִׂמְחַת תּוֹרָתִי שִׂמְחַת הַשָּׁרֶץ מִשְׂגָּב חֹמָתִי מִרְמָס וָפָרֶץ אֲמָרֵר בִּבְכִי עַל קִרְיַת עֹלֶז לֹא שָׁלַוְתִּי, וַיָּבוֹא רֹגֶז כְּדַבֵּר אוֹיְבִי אֲשִׂימֶנּוּ פֶּרֶז אָמִיר וְנָעִים נִגְדָּע כָּאֶרֶז בָּא אֶל עִירִי שַׁאֲנָן לְחָרְפֵנִי מִפְגָּע שַׂמְתַּנִי, הֲמַשָּׂא אָנִי וְאַיֵּה גַּנּוֹתְךָ מִפְּנֵי חוֹמְסֵנִי יָרָה שָׁם חֵץ, מָגֵן קִדְּמַנִי גְּעַרַת אֵל הֵן הֶחֱרִיבָהּ יָם חִצֵּי שַׁדַּי, שָׁתִיתִי חֲמָתָם מַדּוּעַ קְרִיאוֹתַי אֵין אִישׁ עוֹנָם הַקְּצָרָה יָדְךָ לִפְדּוֹת נִיר-עָם דָּרַךְ קַשְׁתוֹתָיו, שְׁנוּנִים חִצָּיו פִּשְׁעִי לֹא תִּשָּׂא, תַּנְחִיל יַרְחֵי-שָׁוְא מַדּוּעַ לֹא נִתְּקוּ, שְׂרוֹכֵי נְעָלָיו כְּסוּפָה הָיוּ, גַּלְגִּלֵּי רְכָבָיו הִנֵּה בְּלָהָה, בּוֹזְזִי שָׂחַק הֵן יַחְתֹּף אַרְבַּע, מִי יָשִׁיב מִדְּחָק כִּשְׁאוֹן מַיִם, הוֹמֶה מִמֶּרְחָק לֹא יִירַשׁ בֶּן אָמָה, עִם בְּנִי נִיר-יִצְחָק וְיִעָפוּ נְעָרִים וְנִכְשְׁלוּ בַּחוּרָי אָנֹכִי אֶעֱנֶה, אֶבְחֲרָה דְּבָרַי לָמָּה נִסְתְּרוּ מֵיְ-הוָה דְּרָכַי אֶלְבַּשׁ שַׂק וָאֵפֶר, עַל יַד-מָרְדְּכַי זָכַרְנוּ שִׁמְךָ בְּיוֹם קְדֻשָּׁה וּפְלִישָׁה עֲוֹנִי בֻּקַּשׁ, חָטָאתִי נִדְרְשָׁה בַּצַּר פְּקָדוּךָ צָקוּן לְחִישָׁה כַּיּוֹלֶדֶת תִּזְעַק עֵין-הַשְּׁלוֹשָׁה חָמָס פָּעֲלוּ בְּכַפֵּיהֶם לְהָמִית יוֹעֲצִים שׁוֹלֵל, הוֹלִיךְ בְּתַרְמִית בָּטוֹחַ עַל תֹּהוּ, קוּרֵי שְׂמָמִית הִצִּילוּ פְּרִי-גַּן, אַנְשֵׁי שְׁלוֹמִית טִוּוּחַ קֶשֶׁת, אַחִים יִגְלֹם בַּטֻּחוֹת אָהֳלִי, מַרְגִּיז-אַל יַהֲלֹם עָזַר אִישׁ אֶת אָח, נֶחֱרִים בִּי לִבְלֹם יַעֲבֹר יִרְדְּפֵנִי כֶּרֶם-שָׁלוֹם יְהוּדָה וְאֶפְרַיִם, שַׂלְמַת קְרָעִים נַפְשִׁי תֶּאֱבַל וְתִכְאַב שְׁסוּעִים מְאַשְּׁרֵי הָעָם מַתְעִים מְבַלְּעִים בָּעֲרָה כָּאֵשׁ, שִׂנְאַת רֵעִים כַּרְמֶל לְמִדְבָּר הָפְכוּ רוֹצְחִים סָגְרוּ עַל אִישׁ, וְאֵין לִי פּוֹתְחִים מַעֲשֵׂה הַצְּדָקָה, יֶשַׁע שְׁלִיחִים בִּנְוֵה שָׁלוֹם, נִשְׁכְּחוּ מִבְטָחִים לָמָּה יָרֵאתִי תַּלְמִידֵי יַאסִינִי עָרַכְתִּי מִשְׁפָּט, צֶדֶק יָלִינִי אַיֵּה תּוֹמְכִי, עַמּוּד יַמִּינִי סָפְדָה הָאָרֶץ מִשְׁפְּחֹת יָכִינִי מָרוֹם יָשַׁבְנוּ, וּבְרֶגֶל רְמוּסִים יָסֹבּוּ עָלַי רוֹבִים וְשׁוֹסִים רָמָה יָדְךָ, מְקַנֵּא עֲמוּסִים אֹרַח רָשָׁע, עֵקֶל מְפַלְּסִים נָעָה אַרְצִי נָפְלָה לְשִׁכּוֹרִים בְּחֶרְפָּה הִכּוּנִי, פִּיהֶם פּוֹעֲרִים אָסַף אַסִּירַי, סֻגְּרוּ בְּמַסְגְּרִים מָתַי תָּאִיר לְדָוִד נִירִים סִנְווּר הִכָּנִי, עֵינַי יֶאֱחֹז אֶצְעַק חָמָס, אֵעָנֶה בִּפְחֹז כִּי לֹא הָיִיתָ לַדַּל מָעוֹז מַחֲסֶה מִזֶּרֶם לְנַחַל-עוֹז עוֹרֵר עָלַי שׂוֹנֵא עַד תַּכְלִית הֶחְשִׁיךְ נְתִיבוֹתַי, יָשִׂים אַפְלוּלִית כִּי עוֹד רַב זָעַם, וְאַף עַל תַּבְלִית מָתַי יִהְיֶה עַמְּךָ כְּחוֹלִית פָּנֶיךָ הִסְתַּרְתְּ, בָּנֶיךָ שׁוֹמְמִים שָׁמְעָה מִלָּתִי, תְּהִי זֹאת תַּנְחוּמִים בְּרֶגַע עֲזַבְתָּנוּ, אַיֵּה רַחֲמִים כִּי לֹא תִּשָּׁכַח בֹּשֶׁת עֲלוּמִים צוֹפוֹת נְצוּרוֹת, מְגֵנִים זְקוּפִים תְּשַׁוֵּעַ מִשְּׁאוֹל נֶפֶשׁ שְׂרוּפִים נָתַתָּ יַעֲקֹב חֵרֶם וְגִדּוּפִים זָכַרְתָּ חָטֹּאתָי, מָחִיתָ כִּסּוּפִים קֶדֶם הַקֵּף וּשְׁמֹעַ תּוֹרָה לָאוֹר יָקוּם רוֹצֵחַ לְיַסְּרָה בַּהֲמוֹת נֶגֶב, צוּקָה וְצָרָה שָׂרָף מְעוֹפֵף בִּנְתִיב-הָעֲשָׂרָה רָעָב רָשָׁע הִשְׁבַּעְתִּי מְתוּקִים רַהֲבִי נִמְחַץ בִּתְבוּנַת עוֹשְׁקִים שְׁלַח רְצּוּצַי, פְּתַח אֲזִקִּים אוֹרִי כַּשַּׁחַר יִבָּקַע מֵאֳפָקִים שׁוֹמְרִים הִפְקַדְתִּי לֹא יִדְּמוּ לִגְנֹז בְּחַלָּמִישׁ שָׁלַח יָד, צֶאֱצָאַי לִבְזֹז אֱמוּנַת חָפִים, בְּפָלְשָׁם תִּגּוֹז בְּיָמִין נִשְׁבַּעְתָּ, וּבִזְרוֹעַ נִיר-עֹז תָּבַעְתִּי הָבֵן, שׁוֹאָה וּמְרֹרוֹת מֵעֵין כָּל-חַי, נֶעֶלְמוּ נִסְתָּרוֹת אוּדִים מֻצָּלִים, שׁוֹטְרֵי מִשְׁמָרוֹת מַדּוּעַ יוּמָת, הַבָּא אֶל שְׂדֵרוֹת שַׁעֲטַת פַּרְסוֹת אַבִּירֵי רְצִיחָה נְעָרִים נֶחְבָּאוּ, וִישִׁישִׁים לְטִבְחָה זַעֲקוּ הָאָדָם, הֵילֵל וּצְוָחָה אֶל כְּפַר-עַזָּה, בָּאָה קָרְחָה לְבֹכִים עֻגָבִי, לְאֵבֶל כִּנֹּרִי שׁוֹאָה וּמְשׁוֹאָה, מָוֶת אַכְזָרִי כִּי טוֹב קִוִּיתִי, אַךְ רַע שְׂכָרִי כִּי לֹא תּוֹסִיף הוֹשֵׁעַ בְּאֵרִי מְשׂוֹשִׂי לְאֵבֶל, מְחוֹלָה שָׁבָתָה תְּלָמִים זָעָקוּ, אֲדָמָה בָּכַתָּה בָּחוּר נִרְדָּף, בְּתוּלָה עֻנָּתָה בְּחֶרֶב פְּלִשְׁתִּי, נוֹבָה הֻכָּתָה הֵעִיזוּ גֵּבִים, קָם עֵין-הַבְּשׂוֹר יְמִינְךָ סַעַד, אוֹיֵב יַעְצֹר זִקִּים יָרִיתִי, מִתְלַהְלֵהַּ אֶשְׁבֹּר יָתֵד תְּקוּעָה, צַר לֹא יַעֲקֹר גְּדֻלַּת שִׁמְךָ, עַמְּךָ יְסַפֵּר לוּ שְׁבוּיַי תִּדְרֹר, אוֹיְבַי תְּשַׁבֵּר רוּחֲךָ עָלַי, עֲנָוִים לְבַשֵּׂר חָרְבוֹת זְבוּל קוֹמֵם וּפָאֵר
